استغرق قتلهم لـ فرخنده 25 دقيقة ..
-فرخنده:Farkhunda ..
"كانت" بنت الـ 27 سنة, افغانية, مسلمة بتدَّرس الدين, حافظة للقرآن عن ظهر قلب,
يوم 19/3/2015 ضربوها قدام ضريح ف كابول لمدة 25 دقيقة لحد ما ماتت.
"كانت" بنت الـ 27 سنة, افغانية, مسلمة بتدَّرس الدين, حافظة للقرآن عن ظهر قلب,
يوم 19/3/2015 ضربوها قدام ضريح ف كابول لمدة 25 دقيقة لحد ما ماتت.
.png)
-فرخنده دخلت ف جدل مع احد "الموالي" ف ان الاحجبة و التبرك بالموالي درب من دروب الخرافات, و خلال الجدال اتهمها الراجل دا بأنها حرقت القرآن, الناس سمعت الكلام و اتلموا حواليها, اللي نزلوا فيها ضرب مغلول لحد ما ماتت, و اللي وقفوا يصوروا المشهد بموبايلاتهم.
-لما اهلها راحوا للشرطة يبلغوا عن اختفائها, الشرطة قالتلهم انها متهمة بحرق القرآن و التحقيقات معاها جارية .. وصل لاهل فرخنده انها اتقتلت و لسلامتهم لازم يسيبوا كابول.
-الناشطات الافغانيات, لاول مرة خرقوا عادة ان شيل النعش خاص بالرجال دون النساء .. و اللي شال نعش فرخنده كانوا كلهم سيدات.
-اعتُقل لحد دلوقتي 26 متهم منهم 21 ضابط شرطة منهم اللي كان موجود ف موقع الجريمة و منهم اللي تخاذل ف المتابعة و سمح لقاتلي فرخنده بالهرب.
-و زي مقتل ريحانة جباري, مقتل فرخنده هيج حقوق الانسان و السيدات قاموا و عملوا مظاهرات .. و زي ريحانة, هيعدي الوقت على فرخنده .. و هنهدى و هنسكت .. و هنرجع نقول للاب اللي ضرب بنته عشان قلعت الحجاب, جدع انت راجل لا يرضى بالدياثة.
-فرخنده بعد التحقيقات ثبت انها محرقتش القرآن وانهم اتبلوا عليها .. مقتل فرخنده كان بسبب "كلام الناس".
و زي ما ريحانة قالت ف رسالتها لوالدتها بعد ما اتحكم عليها بالاعدام:
"اتركيني لتبعثرني الريح, لم يُحبنا العالم, و لم يتركني لقدري .. أنا استسلم الأن, و اقابل الموت بصدر رحب, امام محكمة الله سأوجه الاتهام .. لكل من ظلمني او انتهك حقوقي, سواءًا عن جهلٍ او كذب, و لم يفطنوا ان الحقيقة ليست دائمًا كما تبدو .. في الاخرة سنوجه نحن الاتهام و سيكونون هم المتهمين."
#فرخنده
#ذكرى_الاربعين
#فرخنده
#ذكرى_الاربعين
No comments:
Post a Comment